Madridning «Real» klubi hujumchisi Kilian Mbappe, chap tizzasidan olgan jarohatidan hali to‘liq tiklanib ulgurmagan holda, 24 fevral, seshanba kuni o‘tgan mashg‘ulotni majburiy tarzda to‘xtatdi. Bu haqda L'Equipe xabar berdi.

Manba ma’lumotiga ko‘ra, 25 fevral, chorshanba kuni bo‘lib o‘tadigan Chempionlar ligasi pley-off bosqichi javob uchrashuvida «Benfika»ga qarshi bahsda forvardning ishtiroki katta so‘roq ostida turibdi. Ta’kidlanishicha, klub futbolchiga dam berishga qaror qilgan bo‘lishi mumkin, chunki tizzasidagi og‘riq hali ham bezovta qilmoqda.

Shuningdek, «qirollik klubi» bosh murabbiyi Alvaro Arbeloa, ehtimol, Kilianning uchrashuvda ishtirok etishi bo‘yicha qarorni bir kunga kechiktirish tarafdori. Bu holatda Mbappening Lissabon klubiga qarshi maydonga tushish imkoniyati yuqoriroq bo‘ladi.