«Atletiko» bosh murabbiyi Diyego Simeone hujumchi Antuan Grizmann haqidagi mish-mishlarga munosabat bildirdi. Avvalroq, fransuz futbolchisi MLSda ishtirok etuvchi «Orlando Siti» klubiga o‘tishi mumkinligi haqida xabar berilgan edi.
— Antuan Grizmannning «Orlando Siti»ga o‘tishi mumkinligi haqidagi mish-mishlarni o‘qidingizmi?
— Grizmann shunday darajaga yetdiki, u o‘zi xohlagan har qanday narsaga loyiq. U nima bilan shug‘ullanishni xohlashini o‘zi tanlashi mumkin, — dedi Simeone jurnalistlarga.
Antuan Grizmannning «Atletiko» bilan amaldagi shartnomasi 2027 yilning o‘rtalariga qadar mo‘ljallangan. Nufuzli «Transfermarkt» portali mutaxassislari 34 yoshli fransuz futbolchisini 11 million yevroga baholamoqda.
Eslatib o‘tamiz, «Atletiko» seshanba kuni «Bryugge»ni 4:1 hisobida mag‘lub etib (ikki o‘yin natijasiga ko‘ra 7:4), Chempionlar ligasining 1/8 finaliga yo‘l oldi.
