«Атлетико» бош мураббийи Диего Симеоне ҳужумчи Антуан Гризманн ҳақидаги миш-мишларга муносабат билдирди. Аввалроқ, француз футболчиси МЛСда иштирок этувчи «Орландо Сити» клубига ўтиши мумкинлиги ҳақида хабар берилган эди.

— Антуан Гризманннинг «Орландо Сити»га ўтиши мумкинлиги ҳақидаги миш-мишларни ўқидингизми?

— Гризманн шундай даражага етдики, у ўзи хоҳлаган ҳар қандай нарсага лойиқ. У нима билан шуғулланишни хоҳлашини ўзи танлаши мумкин, — деди Симеоне журналистларга.

Антуан Гризманннинг «Атлетико» билан амалдаги шартномаси 2027 йилнинг ўрталарига қадар мўлжалланган. Нуфузли «Transfermarkt» портали мутахассислари 34 ёшли француз футболчисини 11 миллион еврога баҳоламоқда.

Эслатиб ўтамиз, «Атлетико» сешанба куни «Брюгге»ни 4:1 ҳисобида мағлуб этиб (икки ўйин натижасига кўра 7:4), Чемпионлар лигасининг 1/8 финалига йўл олди.