Мадриднинг «Реал» клуби янги аъзоси Ян Диоманде Испания клуби тарихидаги энг севимли футболчиси деб кимни билишини айтди.
««Реал»нинг барча даврлардаги энг севимли ўйинчимми? Криштиану Роналду», — деди Диоманде журналист Фабрицио Романога.
Эслатиб ўтамиз, 6 август куни «Реал» 19 ёшли кот-д'ивуарлик футболчининг «РБ Лейпциг»дан ўтганини расман эълон қилди. Футболчининг мадридликлар билан шартномаси 2033 йилнинг ёзигача мўлжалланган. Оммавий ахборот воситаларининг ёзишича, бонусларни ҳисобга олганда ушбу трансфер «қаймоқранглилар»га рекорд даражадаги 140 миллион еврога тушиши мумкин.
Роналду 2009 йилдан 2018 йилгача «Реал» сафида тўп сурган. Ҳозирда португалиялик ҳужумчи «Ан-Наср» шарафини ҳимоя қилмоқда.
