«Nyukasl» yarim himoyachisi Sandro Tonali Chempionlar ligasi o‘tish (pley-off) bosqichi javob o‘yinida Ozarbayjonning «Qarabag‘» jamoasi ustidan qozonilgan g‘alabadan (3:2) so‘ng o‘z fikrlarini bildirdi.
«Dastlabki 10 daqiqa ajoyib o‘tdi. Ikkinchi bo‘limda esa shunchaki hisobga qarab o‘ynadik. Ikki o‘yin davomida to‘qqizta gol urdik, lekin bundan ham ko‘proq urishimiz mumkin edi. Chunki bizning muxlislarimiz barcha 90 daqiqa davomida 100 foizlik kuch bilan o‘ynashimizga loyiqdirlar.
Ikkinchi bo‘lim boshida ahmoqona gol o‘tkazib yubordik. Gol o‘tkazganimizdan xafamiz, lekin yakunda baxtlimiz, chunki Chempionlar ligasida keyingi bosqichga yo‘l oldik. Buning uchun juda ko‘p mehnat qilgandik», — dedi Tonali «Amazon Prime» nashriga.
Ma’lumot uchun, «Nyukasl» o‘zining navbatdagi uchrashuvini shanba kuni, 28 fevral sanasida o‘z maydonida «Everton»ga qarshi o‘tkazadi.
