«Ньюкасл» ярим ҳимоячиси Сандро Тонали Чемпионлар лигаси ўтиш (плей-офф) босқичи жавоб ўйинида Озарбайжоннинг «Қарабағ» жамоаси устидан қозонилган ғалабадан (3:2) сўнг ўз фикрларини билдирди.

«Дастлабки 10 дақиқа ажойиб ўтди. Иккинчи бўлимда эса шунчаки ҳисобга қараб ўйнадик. Икки ўйин давомида тўққизта гол урдик, лекин бундан ҳам кўпроқ уришимиз мумкин эди. Чунки бизнинг мухлисларимиз барча 90 дақиқа давомида 100 фоизлик куч билан ўйнашимизга лойиқдирлар.

Иккинчи бўлим бошида аҳмоқона гол ўтказиб юбордик. Гол ўтказганимиздан хафамиз, лекин якунда бахтлимиз, чунки Чемпионлар лигасида кейинги босқичга йўл олдик. Бунинг учун жуда кўп меҳнат қилгандик», — деди Тонали «Amazon Prime» нашрига.

Маълумот учун, «Ньюкасл» ўзининг навбатдаги учрашувини шанба куни, 28 февраль санасида ўз майдонида «Эвертон»га қарши ўтказади.