«Real» yarim himoyachisi Jud Bellingem fevral oyi boshidan buyon lazaretda qolmoqda. Yaqinda angliyalik futbolchi to‘p bilan ishlashni boshladi, biroq uning yaqin vaqt ichida to‘liq safga qaytishi kutilmayapti.
«COPE» nashri bergan ma’lumotlarga ko‘ra, Bellingemda Chempionlar ligasi 1/8 final uchrashuvlarida «Real»ga yordam berish imkoniyati yo‘q. Ushbu bosqichning dastlabki o‘yinlari 10 va 11 mart kunlari, javob bahslari esa 17 va 18 mart kunlari bo‘lib o‘tadi. «Real» 1/8 finalda yo «Manchester Siti», yoki «Sporting» jamoasiga qarshi bahs olib boradi. Qur’a tashlash marosimi juma kuni, 27 fevralda o‘tkaziladi.
2025/2026 yilgi mavsumda Jud Bellingem 28 ta rasmiy o‘yinda maydonga tushib, o‘z hisobiga oltita gol va to‘rtta golli uzatmani yozdirib qo‘ydi.
