«Реал» ярим ҳимоячиси Жуд Беллингем февраль ойи бошидан буён лазаретда қолмоқда. Яқинда англиялик футболчи тўп билан ишлашни бошлади, бироқ унинг яқин вақт ичида тўлиқ сафга қайтиши кутилмаяпти.
«COPE» нашри берган маълумотларга кўра, Беллингемда Чемпионлар лигаси 1/8 финал учрашувларида «Реал»га ёрдам бериш имконияти йўқ. Ушбу босқичнинг дастлабки ўйинлари 10 ва 11 март кунлари, жавоб баҳслари эса 17 ва 18 март кунлари бўлиб ўтади. «Реал» 1/8 финалда ё «Манчестер Сити», ёки «Спортинг» жамоасига қарши баҳс олиб боради. Қуръа ташлаш маросими жума куни, 27 февралда ўтказилади.
2025/2026 йилги мавсумда Жуд Беллингем 28 та расмий ўйинда майдонга тушиб, ўз ҳисобига олтита гол ва тўртта голли узатмани ёздириб қўйди.
