Juma kuni Chempionlar ligasiga qur’a tashlandi. Qit’aning eng nufuzli klublar o‘rtasidagi musobaqasining turnir to‘ri to‘liq shakllantirildi. E’tiborli jihati shundaki, "Real" va "Barselona" turnir to‘rining turli tomonlaridan joy olishdi. Bu esa Ispaniya futboli grandlari finalgacha bir-birlari bilan to‘qnash kela olmasligini anglatadi.

Eslatib o‘tamiz, Chempionlar ligasi 1/8 finalida "Real" "Manchester Siti"ga qarshi, "Barselona" esa "Nyukasl"ga qarshi bahs olib boradi. O‘yinlar ancha yaqin muddatda bo‘lib o‘tadi: dastlabki uchrashuvlar 10 va 11 mart kunlari, javob o‘yinlari esa 17 va 18 mart kunlariga belgilangan.

"Barselona" oxirgi marta 2015 yilda, "Real" esa 2024 yilda Chempionlar ligasi finalida o‘ynagan edi.