Жума куни Чемпионлар лигасига қуръа ташланди. Қитъанинг энг нуфузли клублар ўртасидаги мусобақасининг турнир тўри тўлиқ шакллантирилди. Эътиборли жиҳати шундаки, "Реал" ва "Барселона" турнир тўрининг турли томонларидан жой олишди. Бу эса Испания футболи грандлари финалгача бир-бирлари билан тўқнаш кела олмаслигини англатади.
Эслатиб ўтамиз, Чемпионлар лигаси 1/8 финалида "Реал" "Манчестер Сити"га қарши, "Барселона" эса "Ньюкасл"га қарши баҳс олиб боради. Ўйинлар анча яқин муддатда бўлиб ўтади: дастлабки учрашувлар 10 ва 11 март кунлари, жавоб ўйинлари эса 17 ва 18 март кунларига белгиланган.
"Барселона" охирги марта 2015 йилда, "Реал" эса 2024 йилда Чемпионлар лигаси финалида ўйнаган эди.
