Juma kuni Chempionlar ligasi qur’a tashlash marosimi bo‘lib o‘tdi va pley-offning turnir to‘ri to‘liq shakllandi. Qur’adan so‘ng Opta mutaxassislari superkompyuterni ishga tushirib, musobaqada kim g‘olib chiqishi borasidagi savolga "javob" izlashdi.

Hisob-kitoblar shuni ko‘rsatdiki, Chempionlar ligasida g‘olib chiqish uchun eng yuqori imkoniyat "Arsenal"da — 27,4%. Ikkinchi o‘rinda "Bavariya" (14,3%) qayd etilgan bo‘lsa, kuchli uchlikni "Liverpul" (12,8%) yakunlab berdi.

Reytingning davomi quyidagicha ko‘rinish olgan:

• "Manchester Siti" — 10,8%

• "Barselona" — 7,7%

• "Chelsi" — 6,9%

• "Nyukasl" — 4,7%

• "PSJ" — 4,6%

• "Real Madrid" — 2,8%

Ko‘rib turganingizdek, "Real" imkoniyatlar bo‘yicha to‘qqizinchi o‘rinda qoldi. Alvaro Arbeloa jamoasi 1/8 finalda "Manchester Siti"ga qarshi bahs olib borishi kerak.

Superkompyuter tomonidan asosiy da’vogar deb topilgan "Arsenal" shu paytgacha biror marta ham Chempionlar ligasida g‘olib chiqmagan.