Kelayotgan yozda Muhammad Salohning ehtimoliy ketishidan so‘ng, «Liverpul» rahbariyati asosiy urg‘uni yarim himoyachi Dominik Soboslaiga qaratishni rejalashtirmoqda. Bu haqda The Touchline nashri xabar bermoqda.

Manbaning ma’lumotlariga ko‘ra, «Liverpul» jamoani aynan Soboslai atrofida qurishni maqsad qilgan, chunki klub uning o‘yin xususiyatlariga to‘liq ishonadi. Bundan tashqari, mersisaydliklar vengriyalik futbolchining yetakchilik qobiliyati va jamoaga ta’siri sezilarli darajada o‘sib borayotganini yuqori baholamoqda.

Soboslai 2023 yildan beri jamoa sharafini himoya qilib kelmoqda. Joriy mavsumda 25 yoshli hujumkor yarim himoyachi barcha turnirlarda 37 ta o‘yinda ishtirok etib, 10 ta gol urdi va 8 ta golli uzatmani amalga oshirdi.

Soboslaining «Liverpul» bilan amaldagi shartnomasi 2028 yilning yoziga qadar mo‘ljallangan.