Futbol mutaxassisi Eduardo Koudet «Alaves» bosh murabbiyi lavozimini tark etdi. Bu haqda klub matbuot xizmati ma’lum qildi.
Bo‘shab qolgan o‘ringa taniqli murabbiy Kike Sanches Flores tayinlandi. Tomonlar o‘rtasidagi mehnat shartnomasi 2028 yilning o‘rtalariga qadar mo‘ljallangan. Flores Ispaniyaning «Sevilya», «Valensiya», «Atletiko» va «Xetafe» kabi klublaridagi faoliyati bilan yaxshi tanish.
Bugungi holatga ko‘ra, «Alaves» 27 ochko bilan La Liga turnir jadvalida 16-o‘rinni egallab turibdi. Flores boshchiligidagi jamoa Ispaniya chempionatidagi navbatdagi uchrashuvini 8 mart kuni «Valensiya»ga qarshi o‘tkazadi.
