«Aston Villa» yarim himoyachisi Morgan Rodjers katta ehtimol bilan kelayotgan yozda sotib yuboriladi.
Birmingem klubi agar mavsum yakunlariga ko‘ra Chempionlar ligasiga yo‘llanma ololmasa, ba’zi asosiy futbolchilari bilan xayrlashishga majbur bo‘lishi mumkin. Transfer bozorida katta qiziqish uyg‘otayotgan Rojers sotilishga nomzodlardan biri bo‘lib turibdi. Anfield Watch nashrining xabar berishicha, 23 yoshli futbolchi uchun kurashda «Liverpul» peshqadamlik qilmoqda. Ehtimoliy kelishuv qiymati 100 million funt sterling (115 million yevro)ga baholanmoqda.
Mashhur Transfermarkt portalida Morgan Rodjersning narxi 70 million yevro etib belgilangan. Angliyalik futbolchining «Aston Villa» bilan amaldagi shartnomasi 2031 yilgacha mo‘ljallangan.
