«Barselona» himoyachisi Pau Kubarsi Yevropa Chempionlar ligasida g‘olib chiqishni istashini tan oldi.

«Barselona» muxlisi uchun har qanday sovrinni qo‘lga kiritish — aql bovar qilmaydigan voqea, ammo Chempionlar ligasidagi g‘alaba — bu alohida orzu. Biz g‘alaba uchun kurashamiz va bunga erishishga harakat qilamiz», — deya Kubarsining so‘zlarini keltirmoqda Barça Universal.

Eslatib o‘tamiz, «Barselona» Chempionlar ligasining umumiy bosqichini 5-o‘rinda yakunladi va sakkizta o‘yinda 16 ochko jamg‘ardi. Turnirning 1/8 finalida Xansi Flik shogirdlari Angliyaning «Nyukasl» jamoasiga qarshi maydonga tushishadi.