Madridning «Atletiko» klubi himoyachisi Xose Ximenes jamoasining o‘yinlar taqvimi juda tig‘izligidan noroziligini bildirdi.
«Bu juda qiyin. Bizga dam olish kerak. Futbolchilar o‘zlarini xavf ostiga qo‘yishmoqda, biz hozir xuddi sirkdagi masxarabozlardekmiz. Bizga qachon aytishsa, o‘shanda o‘ynashga majburmiz», — deya himoyachining so‘zlarini keltiradi Marca gazetasi.
Shanba kuni, 7 martda Diyego Simeone shogirdlari o‘z maydonlarida «Real Sosyedad» ustidan 3:2 hisobida g‘alaba qozonishdi. Madrid jamoasi navbatdagi uchrashuvini UYEFA Chempionlar ligasi 1/8 finali doirasida Londonning «Tottenxem» klubiga qarshi o‘tkazadi. Bahs seshanba kuni, 10 martda bo‘lib o‘tadi.
