«Liverpul» klubi Arne Slotning murabbiylar shtabiga o‘zgartirish kiritish bo‘yicha iltimosini rad etdi. Niderlandiyalik mutaxassis fevral oyida «Tottenxem»ni tark etgan o‘zining sobiq yordamchisi Jon Xeytingani klubga qaytarishni talab qilgan edi. Empire of the Kop nashrining xabar berishicha, «qizillar» rahbariyati ushbu so‘rovni rad etgan, chunki mavsumning bunday kech pallasida murabbiylar tuzilmasidagi o‘zgarishlar jamoaga salbiy ta’sir ko‘rsatishi mumkin deb hisoblagan.
Jon Xeytinga «Liverpul» uchun muvaffaqiyatli kechgan o‘tgan mavsumda Arne Slotning yordamchisi sifatida ishlagan, shundan so‘ng u «Ayaks» bosh murabbiyi etib tayinlangan edi. Noyabr oyida mutaxassis Amsterdam klubidan iste’foga chiqarildi, «Tottenxem»da esa bir oydan sal ko‘proq vaqt faoliyat yuritdi.
