Hujumchi Liam Delap katta ehtimol bilan «Chelsi»ni tark etadi.

Topskills Sports UK nashrining ma’lumotlariga ko‘ra, «ko‘klar» forvardga bo‘lgan ishonchni yo‘qotgan. London klubi joriy mavsum yakunidan so‘ng 23 yoshli futbolchini sotish bo‘yicha yakuniy qarorga kelgan.

Liam Delap 2025 yilda «Ipsvich»dan «Chelsi»ga 35 million yevro evaziga o‘tgan edi. Uning londonliklar bilan shartnomasi 2031 yilning 30 iyuniga qadar mo‘ljallangan. Joriy mavsumda hujumchi «ko‘klar» safida barcha turnirlarda 29 ta o‘yinda maydonga tushib, atigi 2 ta gol urdi va 4 ta golli uzatmani amalga oshirdi. Transfermarkt portali Delapni 32 million yevroga baholamoqda.