«Manchester Siti» bosh murabbiyi Xosep Gvardiola ingliz klublarining yevrokuboklardagi natijalari muhokamasiga istehzo bilan javob qaytardi. UYEFA turnirlarida APLdan ishtirok etayotgan to‘qqizta jamoadan shu hafta 1/8 final bahslarida faqat «Aston Villa» g‘alaba qozondi.
«Ilgari biz dunyoning eng yaxshi ligasi hisoblanardik, shundaymi? Ushbu haftada sodir bo‘lgan voqealardan keyin esa yo‘q. Ammo ishonchim komil, bizda ajoyib liga bor. U fantastik, lekin yevrokuboklarda bir-ikkita o‘yinda har qanday voqea sodir bo‘lishi mumkin. Boshqa ligalarda ham kuchli jamoalar bor.
Hozir hamma «Budyo-Glimt» haqida gapiryapti. Ilgari hech kim ular haqida gapirmasdi. Ajoyib jamoa. Ular «Sporting»ni, «Inter»ni, bizni va «Atletiko»ni mag‘lub etishmoqda. Hozir hamma jamoalar kuchli», — dedi Gvardiola matbuot anjumanida.
Shanba kuni, 14 mart kuni «Manchester Siti» APL doirasida «Vest Xem»ga qarshi maydonga tushadi.
