«Манчестер Сити» бош мураббийи Хосеп Гвардиола инглиз клубларининг еврокубоклардаги натижалари муҳокамасига истеҳзо билан жавоб қайтарди. УЕФА турнирларида АПЛдан иштирок этаётган тўққизта жамоадан шу ҳафта 1/8 финал баҳсларида фақат «Астон Вилла» ғалаба қозонди.
«Илгари биз дунёнинг энг яхши лигаси ҳисобланардик, шундайми? Ушбу ҳафтада содир бўлган воқеалардан кейин эса йўқ. Аммо ишончим комил, бизда ажойиб лига бор. У фантастик, лекин еврокубокларда бир-иккита ўйинда ҳар қандай воқеа содир бўлиши мумкин. Бошқа лигаларда ҳам кучли жамоалар бор.
Ҳозир ҳамма «Будё-Глимт» ҳақида гапиряпти. Илгари ҳеч ким улар ҳақида гапирмасди. Ажойиб жамоа. Улар «Спортинг»ни, «Интер»ни, бизни ва «Атлетико»ни мағлуб этишмоқда. Ҳозир ҳамма жамоалар кучли», — деди Гвардиола матбуот анжуманида.
Шанба куни, 14 март куни «Манчестер Сити» АПЛ доирасида «Вест Хэм»га қарши майдонга тушади.
