Krishtianu Ronalduning o‘g‘li otasi kabi «An-Nasr» klubida, aniqrog‘i, jamoaning 15 yoshgacha bo‘lgan tarkibida to‘p suradi. Yaqinda bo‘lib o‘tgan navbatdagi uchrashuvda u o‘zini almashtirishmoqchi bo‘lganida shov-shuvli tarzda diqqat markaziga tushdi.
Kichik Ronaldu maydonni tark etayotib, murabbiyning qaroridan yaqqol norozi ekanligini namoyish etdi. U nafaqat murabbiyga, balki hakamga ham turli ishoralar bilan e’tiroz bildirgani sababli sariq kartochka bilan jazolandi. Qizig‘i shundaki, futbolchini almashtirgan murabbiyning o‘zi yakunda uning tomonini oldi va Ronalduning o‘yinini umumiy jihatdan yuqori baholadi.
Natijada, hozirda Saudiya Arabistoni futbol jamoatchiligi orasida Kichik Ronaldu haqida uning mashhur, ammo ayni damda jarohatlangan otasidan ham ko‘proq gapirilmoqda.
