Криштиану Роналдунинг ўғли отаси каби «Ан-Наср» клубида, аниқроғи, жамоанинг 15 ёшгача бўлган таркибида тўп суради. Яқинда бўлиб ўтган навбатдаги учрашувда у ўзини алмаштиришмоқчи бўлганида шов-шувли тарзда диққат марказига тушди.
Кичик Роналду майдонни тарк этаётиб, мураббийнинг қароридан яққол норози эканлигини намойиш этди. У нафақат мураббийга, балки ҳакамга ҳам турли ишоралар билан эътироз билдиргани сабабли сариқ карточка билан жазоланди. Қизиғи шундаки, футболчини алмаштирган мураббийнинг ўзи якунда унинг томонини олди ва Роналдунинг ўйинини умумий жиҳатдан юқори баҳолади.
Натижада, ҳозирда Саудия Арабистони футбол жамоатчилиги орасида Кичик Роналду ҳақида унинг машҳур, аммо айни дамда жароҳатланган отасидан ҳам кўпроқ гапирилмоқда.
