"Liverpul" bosh murabbiyi Arne Slot hujumchi Muhammad Salohning Chempionlar Ligasidagi "Galatasaroy"ga qarshi uchrashuvda (4:0) ko‘rsatgan o‘yini haqida o‘z fikrlari bilan o‘rtoqlashdi.

Misrlik futbolchi birinchi bo‘lim oxirida penaltidan foydalana olmadi, ammo baribir o‘yin qahramonlaridan biriga aylandi: 51-daqiqada u Ugo Ekitikega assistentlik qildi va 62-daqiqada o‘zi gol urdi.

"Qizillar" chorak finalga yo‘l olishdi va umumiy hisobda 4:1 hisobida g‘alaba qozonishdi.

"Salohning muvaffaqiyatsiz bajarilgan penaltiga munosabati uning xarakteri haqida ko‘p narsani anglatadi.

Bu qiyin lahzalar edi, lekin keyin u ajoyib o‘yin namoyish qildi. Muxlislar bugun bizga chindan ham yordam berishdi", dedi Slot.