Angliyaning «Tottenxem» klubi yangi sport direktorini izlash jarayonini yakunlashga yaqin turibdi. Ushbu lavozim uchun eng munosib nomzod Sebastyan Kel bo‘lib chiqdi, deb xabar bermoqda The Telegraph nashri.
Kel yakshanba kuni Dortmundning «Borussiya» klubidagi xuddi shunday lavozimini tark etgan edi. Manbaning ma’lum qilishicha, Kel hozircha Fabio Paratichi ketganidan keyin bo‘shab qolgan «Tottenxem»dagi vakant o‘rinni o‘rganib chiqmoqda.
Avvalroq «Tottenxem» Dugi Fridman va «Chelsi» sport direktori Pol Uinstenliga murojaat qilgan edi. Biroq birinchi nomzod bo‘yicha shubhalar tug‘ilgan bo‘lsa, Uinstenli «ko‘klar» bilan 2031 yilgacha shartnomaga ega va jamoadan ketish ishtiyoqida emas.
Kel «Borussiya»dagi faoliyati davomida (2022 yildan beri) birorta ham sovrinni qo‘lga kirita olmadi. 2024 yilda jamoa Chempionlar Ligasi finalida mag‘lubiyatga uchragan edi.
