Англиянинг «Тоттенхэм» клуби янги спорт директорини излаш жараёнини якунлашга яқин турибди. Ушбу лавозим учун энг муносиб номзод Себастьян Кель бўлиб чиқди, деб хабар бермоқда The Telegraph нашри.
Кель якшанба куни Дортмунднинг «Боруссия» клубидаги худди шундай лавозимини тарк этган эди. Манбанинг маълум қилишича, Кель ҳозирча Фабио Паратичи кетганидан кейин бўшаб қолган «Тоттенхэм»даги вакант ўринни ўрганиб чиқмоқда.
Аввалроқ «Тоттенхэм» Дуги Фридман ва «Челси» спорт директори Пол Уинстэнлига мурожаат қилган эди. Бироқ биринчи номзод бўйича шубҳалар туғилган бўлса, Уинстэнли «кўклар» билан 2031 йилгача шартномага эга ва жамоадан кетиш иштиёқида эмас.
Кель «Боруссия»даги фаолияти давомида (2022 йилдан бери) бирорта ҳам совринни қўлга кирита олмади. 2024 йилда жамоа Чемпионлар Лигаси финалида мағлубиятга учраган эди.
