«Bavariya» yarim himoyachisi Lennart Karl jamoadoshi Maykl Olise haqida o‘z fikrlari bilan o‘rtoqlashdi.
«Olise ko‘p hazillashadi va juda faol. Mayklning ajoyib yumor tuyg‘usi bor. U shu shubhasiz kuchli futbolchi. U fantastik gollar uradi, golli uzatmalarni amalga oshiradi va doim jamoaga yordam berishga tayyor. Maykl muntazam ravishda «Bavariya»ning asosiy tarkibida maydonga tushmoqda va bu yerda uning hamma bilan munosabatlari juda yaxshi. Shu bois, uning qayergadir ketishiga ishonmayman. Katta ehtimol bilan u «Bavariya»da qoladi», — deya Karlning so‘zlarini keltiradi SPORT BILD nashri.
Joriy mavsumda 24 yoshli Olise barcha turnirlarda 39 ta o‘yinda maydonga tushib, 16 ta gol urdi va 27 ta golli uzatmani amalga oshirdi.
