Hujumchi Muhammad Saloh shu yozda «Liverpul»ni tark etadi. Misrlik futbolchining mersisaydliklar safidan ketishi haqida kecha rasman e’lon qilindi.

Ispaniyaning «Betis» klubi Salohni o‘z jamoasida ko‘rishga tayyorligini bildirdi. Klubning ijtimoiy tarmoqlardagi sahifasida Saloh va darvozabon Adrian birga tushgan surat e’lon qilindi. Hozirda Adrian «Betis» sharafini himoya qilmoqda, avvalroq esa u «Liverpul»da to‘p surgan. Suratda Saloh va Adrian yelkasida misrlik futbolchining familiyasi va 11-raqam tushirilgan «Betis» libosini ushlab turishibdi.

«So‘nggi raqs, Mo», — deyiladi klub postida.

Albatta, Salohning haqiqatan ham kelasi yozda «Betis» futbolchisiga aylanishini tasavvur qilish juda qiyin. Ma’lumot uchun, shu yilning iyun oyida misrlik yulduz 34 yoshni qarshi oladi.