Krishtianu Ronalduning o‘g‘li hozirda otasi bilan bir klubda to‘p surmoqda, biroq yaqin orada u ancha nufuzliroq futbol akademiyasiga ko‘chib o‘tishi mumkin. Gap, tabiiyki, Yevropa haqida ketmoqda — yaqin kelajakda uni Madridning «Real» klubida katta istiqbol kutayotgani haqida ma’lumotlar paydo bo‘ldi. Eslatib o‘tamiz, Ronaldu yaqin o‘tmishda ushbu klub sharafini qariyb 10 yil davomida himoya qilgan edi.

Hozircha gap ko‘proq Madrid klubi tomonidan olib borilayotgan yosh futbolchilar kastingi haqida bormoqda, ammo bunday familiya oldinga siljishni sezilarli darajada osonlashtirishi tabiiy. Ispaniyalik jurnalist Mario Kortegananing aniqlik kiritishicha, Krishtianuning o‘zi ham bu jarayonga faol yordam bermoqda, chunki «Real» uning o‘g‘li uchun professional o‘sishda ideal tramplin bo‘lishi mumkinligini yaxshi tushunadi.