Madridning «Real» klubi himoyachisi Raul Asensio, OAV xabarlariga ko‘ra, yozda klubini o‘zgartirishi mumkin.

Qayd etilishicha, futbolchining xizmatlariga APLning ikkita klubi qiziqish bildirmoqda. Gap «Everton» va «Vest Xem» jamoalari haqida bormoqda. «Qaymoqranglilar» Asensioning transferini ko‘rib chiqishga tayyor. Transfermarkt portali himoyachining qiymatini 25 million yevroga baholamoqda.

Joriy mavsumda Raul Asensio «Real» safida 30 ta uchrashuvda maydonga tushdi. Ularda futbolchi 2 ta gol urdi va 1 ta golli uzatmani amalga oshirdi.