«Barselona» hujumchisi Robert Levandovski Polsha terma jamoasiga JCH-2026 yo‘llanmasi uchun pley-off yarim finalida Albaniya ustidan irodali g‘alaba qozonishga yordam berdi (2:1).
37 yoshli futbolchi uchrashuvning 63-daqiqasida hisobni tenglashtirdi. Bu yulduzli faxriyning mundial saralashlari doirasidagi faoliyati davomida urgan 36-goli bo‘ldi — u ushbu ko‘rsatkich bo‘yicha argentinalik Lionel Messiga yetib oldi. Reytingda ulardan yuqorida faqat Krishtianu Ronaldu (Portugaliya, 41) va Karlos Ruis (Gvatemala, 39) bor.
Robert Levandovski Polsha terma jamoasida 2008 yilda debyut qilgan. Umumiy hisobda hujumchi milliy jamoa safida 165 ta o‘yinda maydonga tushib, 90 ta gol urishga muvaffaq bo‘lgan.
