«Барселона» ҳужумчиси Роберт Левандовски Польша терма жамоасига ЖЧ-2026 йўлланмаси учун плей-офф ярим финалида Албания устидан иродали ғалаба қозонишга ёрдам берди (2:1).
37 ёшли футболчи учрашувнинг 63-дақиқасида ҳисобни тенглаштирди. Бу юлдузли фахрийнинг мундиал саралашлари доирасидаги фаолияти давомида урган 36-голи бўлди — у ушбу кўрсаткич бўйича аргентиналик Лионель Мессига етиб олди. Рейтингда улардан юқорида фақат Криштиану Роналду (Португалия, 41) ва Карлос Руис (Гватемала, 39) бор.
Роберт Левандовски Польша терма жамоасида 2008 йилда дебют қилган. Умумий ҳисобда ҳужумчи миллий жамоа сафида 165 та ўйинда майдонга тушиб, 90 та гол уришга муваффақ бўлган.
