Argentina terma jamoasi darvozaboni Emiliano Martines Mavritaniyaga qarshi kechgan o‘rtoqlik uchrashuvidagi (2:1) jamoa o‘yinidan norozi bo‘ldi.

Amaldagi jahon chempionlari tarkibida Enso Fernandes va Nikolas Pas gol urishdi. FIFA reytingida 115-o‘rinni egallab turgan raqib esa o‘yin so‘ngida o‘z goli bilan javob qaytardi.

«Juda yomon. Bu bizning eng yomon o‘yinlarimizdan biri bo‘ldi, hatto uchrashuvning o‘rtoqlik maqomini hisobga olsak ham. Baxtimizga, bu holat Finalissimada yuz bermadi. Bizga tezlik, ishtiyoq va fidoyilik yetishmadi. Kerakli intensivlik va ishonchlilik ko‘rinmadi», — deya «Aston Villa» posbonining so‘zlarini keltirmoqda AlbicelesteTalk.

1 aprel kuni Lionel Skaloni shogirdlari Zambiya terma jamoasi bilan kuch sinashadilar.