Madridning «Real» klubi himoyachisi Daniel Karvaxalning kelajagi noma’lum bo‘lib turibdi.

Diario SPORT nashrining ma’lumotlariga ko‘ra, Madrid klubi 34 yoshli futbolchi bilan yangi shartnoma imzolash-imzolamaslik borasida hali bir qarorga kelmagan. Himoyachi «Real»da qolishni istaydi, biroq vaziyat nafaqat unga, balki jamoa rahbariyatiga ham bog‘liq.

Daniel Karvaxal 2013 yilda 6 million yevro evaziga «Bayer»dan «Real»ga o‘tgan edi. Shu bilan birga, futbolchi «qaymoqranglilar» tarbiyalanuvchisi hisoblanadi — u klubni faqat bir mavsumga tark etgan, xolos. Himoyachining shartnomasi 2026 yil 30 iyungacha mo‘ljallangan. Joriy mavsumda Karvaxal Madrid klubi safida barcha turnirlarda 18 ta o‘yinda maydonga tushdi, ammo samarali harakatlari bilan ajralib turmadi.