Angliya va Yaponiya terma jamoalari o‘rtasidagi o‘rtoqlik uchrashuvi yakunlandi. Mazkur o‘yinda yaponlar 1:0 hisobida g‘alaba qozonishdi. Uchrashuv Londondagi mashhur «Uembli» stadionida bo‘lib o‘tdi. Bahsni shotlandiyalik bosh hakam Nik Uolsh boshqarib bordi.
Uchrashuvdagi yagona gol 23-daqiqada Kaoru Mitoma tomonidan kiritildi.
Jahon chempionati — 2026 turnirida Angliya terma jamoasi «L» guruhida Xorvatiya, Gana va Panama jamoalari bilan kuch sinashadi. Yaponiya esa guruh bosqichida Niderlandiya, Tunis va keyinroq ma’lum bo‘ladigan yana bir terma jamoa bilan to‘qnash keladi.
2026 yilgi Jahon chempionati shu yilning yozida uchta mamlakat — AQSH, Kanada va Meksika hududida bo‘lib o‘tadi. Ayni damda Argentina terma jamoasi amaldagi Jahon chempioni hisoblanadi.
