Англия ва Япония терма жамоалари ўртасидаги ўртоқлик учрашуви якунланди. Мазкур ўйинда японлар 1:0 ҳисобида ғалаба қозонишди. Учрашув Лондондаги машҳур «Уэмбли» стадионида бўлиб ўтди. Баҳсни шотландиялик бош ҳакам Ник Уолш бошқариб борди.
Учрашувдаги ягона гол 23-дақиқада Каору Митома томонидан киритилди.
Жаҳон чемпионати — 2026 турнирида Англия терма жамоаси «L» гуруҳида Хорватия, Гана ва Панама жамоалари билан куч синашади. Япония эса гуруҳ босқичида Нидерландия, Тунис ва кейинроқ маълум бўладиган яна бир терма жамоа билан тўқнаш келади.
2026 йилги Жаҳон чемпионати шу йилнинг ёзида учта мамлакат — АҚШ, Канада ва Мексика ҳудудида бўлиб ўтади. Айни дамда Аргентина терма жамоаси амалдаги Жаҳон чемпиони ҳисобланади.
