Argentina terma jamoasi hujumchisi Lionel Messi Zambiyaga qarshi kechgan o‘rtoqlik uchrashuvida (5:0) gol urdi.
38 yoshli futbolchi o‘yinning 43-daqiqasida raqib darvozasini ishg‘ol qildi. Messi maydonda to‘liq harakat qildi.
Ushbu gol hujumchi uchun faoliyati davomidagi 1145 ta o‘yindagi 902-gol bo‘ldi. Shuningdek, Lionel hisobida 407 ta golli uzatma ham mavjud.
Messi gollarining 672 tasini «Barselona» tarkibida, 116 tasini Argentina terma jamoasida, 80 tasini «Inter Mayami»da va 32 tasini «PSJ» safida kiritgan.
Eslatib o‘tamiz, ayni damda «An-Nasr» klubida to‘p surayotgan Krishtianu Ronaldu o‘z faoliyati davomida 1312 ta o‘yinda 965 ta gol urishga muvaffaq bo‘lgan.
