Portugaliya terma jamoasi bosh murabbiyi Roberto Martines o‘rtoqlik uchrashuvida AQSH ustidan qozonilgan g‘alabadan (2:0) so‘ng jamoa o‘yini haqidagi fikrlari bilan o‘rtoqlashdi.
Portugaliyaliklar 37 va 59-daqiqalarda Fransishku Trinkan hamda Joau Feliks tomonidan kiritilgan gollar evaziga zafar quchishdi. Bundan avvalgi bahsda Martines shogirdlari Meksikani mag‘lub eta olishmagan edi (0:0).
«Har ikkala o‘yinning ikkinchi bo‘limida biz yaxshiroq harakat qildik. Ko‘rinishidan, barcha futbolchilarning bir-biri bilan til topishib, moslashib ketishi uchun bizga ko‘proq vaqt kerak bo‘lmoqda. Bugun Meksikaga qarshi o‘yin bilan solishtirganda o‘sishni ko‘rdik. AQSH terma jamoasi jismoniy jihatdan juda kuchli — bu jiddiy raqib. Yevropadan bo‘lmagan jamoalarga qarshi o‘ynaganimizdan xursandman, bu bizga moslashib olishimiz uchun osonroq bo‘ladi», — dedi Roberto Martines o‘z intervyusida.
Eslatib o‘tamiz, bo‘lajak mundialda Portugaliya terma jamoasiga DR Kongo, O‘zbekiston va Kolumbiya terma jamoalari raqiblik qiladi.
