«Atalanta» himoyachisi Onest Axanor faoliyatini Ispaniyada davom ettirishi mumkin.
Sky Sports nashri bergan ma’lumotlarga ko‘ra, Italiya yoshlar terma jamoasi a’zosi bilan shartnoma imzolashga Madridning «Real» klubi qiziqish bildirmoqda. «Qaymoqranglilar» shu yozda 18 yoshli futbolchining transferi bo‘yicha rasmiy taklif bilan chiqishlari istisno etilmayapti.
Onest Axanor 2025 yilda «Jenoa»dan «Atalanta»ga 17 million yevro evaziga o‘tgan edi. Uning Bergamo jamoasi bilan shartnomasi 2028 yilning 30 iyuniga qadar mo‘ljallangan. Joriy mavsumda himoyachi barcha musobaqalarda 28 ta o‘yinda maydonga tushib, bitta gol muallifiga aylandi. Axanor markaziy himoyachi pozisiyasida o‘ynaydi, biroq mudofaaning chap qanotida ham harakat qilishi mumkin.
