«Аталанта» ҳимоячиси Онест Аханор фаолиятини Испанияда давом эттириши мумкин.
Sky Sports нашри берган маълумотларга кўра, Италия ёшлар терма жамоаси аъзоси билан шартнома имзолашга Мадриднинг «Реал» клуби қизиқиш билдирмоқда. «Қаймоқранглилар» шу ёзда 18 ёшли футболчининг трансфери бўйича расмий таклиф билан чиқишлари истисно этилмаяпти.
Онест Аханор 2025 йилда «Женоа»дан «Аталанта»га 17 миллион евро эвазига ўтган эди. Унинг Бергамо жамоаси билан шартномаси 2028 йилнинг 30 июнига қадар мўлжалланган. Жорий мавсумда ҳимоячи барча мусобақаларда 28 та ўйинда майдонга тушиб, битта гол муаллифига айланди. Аханор марказий ҳимоячи позициясида ўйнайди, бироқ мудофаанинг чап қанотида ҳам ҳаракат қилиши мумкин.
