Afsonaviy amerikalik basketbolchi Maykl Jordan Sportico talqiniga ko‘ra barcha davrlarning eng ko‘p daromad qilgan sportchisiga aylandi, deb xabar beradi Sports.kz.

Ma’lumotlarga ko‘ra, 2025 yilda Jordan taxminan 275 million dollar ishlab topgan va uning umumiy faoliyatidagi daromadi 3,28 milliard dollarga yetgan. Inflyasiya hisobga olinganda bu ko‘rsatkich 4,5 milliard dollarni tashkil qiladi.

62 yoshli Jordanning asosiy daromad manbai hanuzgacha Nike bilan hamkorligi bo‘lib qolmoqda. Ushbu hamkorlik 1984 yilda, u NBAga endi qadam qo‘ygan paytda boshlangan. Aynan Air Jordan brendi tufayli u hozirgi sport yulduzlaridan ham ko‘proq daromad olishda davom etmoqda.

Ikkinchi o‘rinni afsonaviy amerikalik golfchi Tayger Vuds egalladi — uning umumiy daromadi 1,97 milliard dollar (inflyasiya bilan 2,88 milliard dollar).

Uchinchi o‘rinda portugaliyalik hujumchi Krishtianu Ronaldu joylashgan bo‘lib, u hozirgi kunda dunyoning eng ko‘p maosh oladigan amaldagi sportchisi hisoblanadi. Uning umumiy daromadi 2,09 milliard dollar (inflyasiya bilan 2,52 milliard dollar).

Shuningdek, top-10 ro‘yxatidan Lebron Jeyms (2,03 mlrd), Lionel Messi (1,99 mlrd), Arnold Palmer (1,85 mlrd), Jek Niklaus (1,83 mlrd), Devid Bekxem (1,68 mlrd), Rodjer Federer (1,67 mlrd) va Floyd Meyvezer (1,57 mlrd) ham joy olgan.

Barcha davrlarning eng ko‘p daromad qilgan sportchilari top-10 ro‘yxati:

1. Maykl Jordan — 4,5 mlrd / 3,28 mlrd dollar
2. Tayger Vuds — 2,88 mlrd / 1,97 mlrd dollar
3. Krishtianu Ronaldu — 2,52 mlrd / 2,09 mlrd dollar
4. Lebron Jeyms — 2,03 mlrd / 1,62 mlrd dollar
5. Lionel Messi — 1,99 mlrd / 1,62 mlrd dollar
6. Arnold Palmer — 1,85 mlrd / 885 mln dollar
7. Jek Niklaus — 1,83 mlrd / 930 mln dollar
8. Devid Bekxem — 1,68 mlrd / 1,26 mlrd dollar
9. Rodjer Federer — 1,67 mlrd / 1,29 mlrd dollar
10. Floyd Meyvezer — 1,57 mlrd / 1,16 mlrd dollar

Shu tariqa, Ronaldu ushbu reytingda Messidan yuqori o‘rinni egallab turibdi.