Kataloniyaning «Barselona» klubi hujumchisi Robert Levandovski tez orada ham klubdagi kelajagi, ham milliy jamoadagi faoliyati borasida bir qarorga keladi.
Hozirda polshalik to‘purar atrofida vaziyat ancha qizg‘in. Fabrisio Romano xabariga ko‘ra, «ko‘k-anorranglilar» forvardga yangi 1 yillik bitim taklif qilishga tayyor. Biroq bu safargi shartlar hozirgisidan ancha farq qiladi — yangi kelishuvda 37 yoshli futbolchining maoshi sezilarli darajada kamaytirilishi ko‘zda tutilgan.
Futbolchining agenti Pini Zaxavi esa yakuniy qarorni berishga shoshilmayapti. U ayni damda mijozi uchun eng maqbul variantlarni tahlil qilish bilan band. Qayd etilishicha, Robertning oldida bir qator chorlovlar mavjud:
-
Saudiya Arabistoni klublaridan boy va jozibador takliflar;
-
MLS (AQSH) jamoalarining qiziqishi;
-
Italiya A Seriyasi klublarining variantlari.
Hozircha Zaxavi barcha takliflarni ko‘rib chiqmoqda. Levandovski esa faoliyatidagi keyingi muhim qadamni yaqin kunlarda e’lon qilishi kutilmoqda.
