Каталониянинг «Барселона» клуби ҳужумчиси Роберт Левандовски тез орада ҳам клубдаги келажаги, ҳам миллий жамоадаги фаолияти борасида бир қарорга келади.
Ҳозирда польшалик тўпурар атрофида вазият анча қизғин. Фабрицио Романо хабарига кўра, «кўк-анорранглилар» форвардга янги 1 йиллик битим таклиф қилишга тайёр. Бироқ бу сафарги шартлар ҳозиргисидан анча фарқ қилади — янги келишувда 37 ёшли футболчининг маоши сезиларли даражада камайтирилиши кўзда тутилган.
Футболчининг агенти Пини Захави эса якуний қарорни беришга шошилмаяпти. У айни дамда мижози учун энг мақбул вариантларни таҳлил қилиш билан банд. Қайд этилишича, Робертнинг олдида бир қатор чорловлар мавжуд:
-
Саудия Арабистони клубларидан бой ва жозибадор таклифлар;
-
МЛС (АҚШ) жамоаларининг қизиқиши;
-
Италия А Серияси клубларининг вариантлари.
Ҳозирча Захави барча таклифларни кўриб чиқмоқда. Левандовски эса фаолиятидаги кейинги муҳим қадамни яқин кунларда эълон қилиши кутилмоқда.
