Romelu Lukaku klub rahbariyati bilan yuzaga kelgan nizodan so‘ng «Napoli»ni tark etishi mumkin. La Gazzetta dello Sport nashrining xabar berishicha, markaziy hujumchida faoliyatini Turkiyada davom ettirish varianti paydo bo‘lgan.
Manbaga ko‘ra, ayni damda Domeniko Tedesko boshqarayotgan «Fenerbaxche» klubi hujumchiga qiziqish bildirmoqda. Mutaxassis Belgiya terma jamoasida Lukaku bilan birga ishlash tajribasiga ega. Biroq hujumchining o‘zi qaror qabul qilishga shoshilmayapti — agar vaziyat yanada yomon tomonga o‘zgarmasa, u Italiyada qolish niyatida.
Eslatib o‘tamiz, yaqinda «Napoli» rahbarlari belgiyalik futbolchiga uni asosiy tarkibdan chetlatish bilan tahdid qilishgan edi. Bunga hujumchining klub ruxsatisiz Belgiyada mustaqil ravishda mashg‘ulot o‘tkazgani sabab bo‘lgan.
Joriy mavsumda 32 yoshli Lukaku «Napoli» safida yettita o‘yinda maydonga tushib, o‘z hisobiga bitta gol yozdirib qo‘ygan.
