Braziliya terma jamoasi bosh murabbiyi Karlo Anchelotti «Santos» hujumchisi Neymarni JCH-2026 ga chaqirish imkoniyatini hatto ko‘rib chiqayotgani ham yo‘q. Bu haqda SportTV eksperti ta’kidlamoqda.

Braziliya telekanali efirida ekspertning aytishicha, 34 yoshli hujumchi Anchelottining nomzodlar ro‘yxatiga ham kiritilmagan. Murabbiy «hujumchining ismi atrofidagi bunchalik shov-shuvlarni tushunmayapti».

Eslatib o‘tamiz, avvalroq Neymar Braziliya terma jamoasining mart oyida Fransiya (1:2) va Xorvatiyaga (3:1) qarshi o‘tkazilgan o‘yinlarini o‘tkazib yuborgan edi.

Braziliya terma jamoasi JCH-2026 guruh bosqichida «C» guruhidan joy olgan bo‘lib, Gaiti, Shotlandiya va Marokash jamoalariga qarshi bahs olib boradi.

Joriy mavsumda Neymar barcha turnirlarda 6 ta o‘yinda maydonga tushib, 3 ta gol urdi va 3 ta golli uzatmani amalga oshirdi.