Бразилия терма жамоаси бош мураббийи Карло Анчелотти «Сантос» ҳужумчиси Неймарни ЖЧ-2026 га чақириш имкониятини ҳатто кўриб чиқаётгани ҳам йўқ. Бу ҳақда SportTV эксперти таъкидламоқда.
Бразилия телеканали эфирида экспертнинг айтишича, 34 ёшли ҳужумчи Анчелоттининг номзодлар рўйхатига ҳам киритилмаган. Мураббий «ҳужумчининг исми атрофидаги бунчалик шов-шувларни тушунмаяпти».
Эслатиб ўтамиз, аввалроқ Неймар Бразилия терма жамоасининг март ойида Франция (1:2) ва Хорватияга (3:1) қарши ўтказилган ўйинларини ўтказиб юборган эди.
Бразилия терма жамоаси ЖЧ-2026 гуруҳ босқичида «C» гуруҳидан жой олган бўлиб, Гаити, Шотландия ва Марокаш жамоаларига қарши баҳс олиб боради.
Жорий мавсумда Неймар барча турнирларда 6 та ўйинда майдонга тушиб, 3 та гол урди ва 3 та голли узатмани амалга оширди.
