Madridning «Atletiko» klubi hujumkor yarim himoyachisi Aleks Baena «Barselona» futbolchisi Jerar Martinning bekor qilingan chetlatilishi bilan bog‘liq vaziyatga munosabat bildirdi.
«Ko‘k-anorranglilar» himoyachisi ikkinchi bo‘lim boshida, hisob 1:1 bo‘lib turgan vaqtda qizil kartochka olgan edi. Biroq keyinroq bosh hakam VAR yordamiga tayanib, qarorini o‘zgartirdi va sariq kartochka kifoya deb topdi.
«Martinning bekor qilingan chetlatilishi haqida? Agar bu borada o‘z fikrimni ochiq aytsam, meni jazolashadi», – deya Baenaning so‘zlarini keltirmoqda Copa.
