«Chelsi» o‘ng qanot himoyachisi Josh Achimpong boshqa top-klublarning qiziqish doirasiga tushgan. Avvalroq bir necha bor xabar berilganidek, 19 yoshli futbolchi yetarli o‘yin amaliyotiga ega bo‘lmayotganidan norozi va shu sababli jamoadan ketish imkoniyatini ko‘rib chiqmoqda. Jurnalist Ekrem Konurning ma’lumotiga ko‘ra, «Barselona», «Manchester Yunayted» va «Bavariya» vakillari allaqachon ingliz futbolchisining yaqinlari bilan aloqaga chiqishgan.
Transfermarkt portalida Josh Achimpongning bozor qiymati 25 million yevro etib belgilangan, uning «Chelsi» bilan amaldagi shartnomasi esa 2029 yilgacha mo‘ljallangan. Joriy mavsumda futbolchi «ko‘klar» safida barcha turnirlarda 25 ta o‘yinda maydonga tushib, o‘z hisobiga ikkita gol yozdirib qo‘ydi.
