«Челси» ўнг қанот ҳимоячиси Жош Ачимпонг бошқа топ-клубларнинг қизиқиш доирасига тушган. Аввалроқ бир неча бор хабар берилганидек, 19 ёшли футболчи етарли ўйин амалиётига эга бўлмаётганидан норози ва шу сабабли жамоадан кетиш имкониятини кўриб чиқмоқда. Журналист Экрем Конурнинг маълумотига кўра, «Барселона», «Манчестер Юнайтед» ва «Бавария» вакиллари аллақачон инглиз футболчисининг яқинлари билан алоқага чиқишган.
Transfermarkt порталида Жош Ачимпонгнинг бозор қиймати 25 миллион евро этиб белгиланган, унинг «Челси» билан амалдаги шартномаси эса 2029 йилгача мўлжалланган. Жорий мавсумда футболчи «кўклар» сафида барча турнирларда 25 та ўйинда майдонга тушиб, ўз ҳисобига иккита гол ёздириб қўйди.
