"Real" ustozi Alvaro Arbeloa Chempionlar Ligasi chorak finali doirasida "Bavariya"ga qarshi bo‘lib o‘tadigan o‘yindan kutayotgan umidlari bilan o‘rtoqlashdi.

— Biz kuchli raqiblarga qarshi har doim munosib o‘yin ko‘rsatadigan "Real"ni ko‘rishni istaymiz. "Bavariya" ajoyib mavsumni o‘tkazmoqda va biz maydonda bizni qanday bosim kutayotganini tushunib turibmiz. Ular bilan qarama-qarshiligimiz doimo o‘ziga xos bo‘lib kelgan. "Bernabeu" yana bir bor Chempionlar Ligasining buyuk kechasini boshdan kechiradi, — dedi murabbiy matbuot anjumanida.