Mag‘lubiyat nimaligini bilmay kelayotgan, uchta vazn toifasida sobiq mutlaq jahon chempioni, amerikalik Terens Krouford ringga qaytishi mumkinligi haqidagi savollarga keskin javob berdi. Uning so‘zlarini The Ring jurnali keltirmoqda.

"Meni hamma narsa qoniqtiradi. Yana nima qilishim mumkin? Yana nimaga erishishim kerak? Men boksda erishgan yutuqlarimdan xursandman, minnatdorman va baxtliman. Faoliyatimni yakunlash uchun bundan yaxshiroq nima bo‘lishi mumkin?

Nafaqaga chiqish menga yengillik berdi, lekin shu bilan birga turli hissiyotlarni ham uyg‘otdi. Men o‘zimga: "La’nat, bu mening birinchi muhabbatim edi va hammasi yakuniga yetmoqda", deb aytdim. Boks cho‘qqisiga chiqqanimdan va endi bu qiyinchiliklarning hammasidan boshqatdan o‘tish shart emasligidan xursandman.

O‘zim qattiq sevgan ishdan voz kechish biroz mahzunlik bag‘ishladi. Lekin yosh va istiqbolli jangchilar uchun yo‘l ochib bergan peshqadamlardan biri bo‘lish juda yoqimli", — dedi Krouford.